Polis işçilərinin peşə bayramı münasibətilə tədbir keçirilib
02 iyul 2011 13:41 (UTC +04:00)

Polis işçilərinin peşə bayramı münasibətilə tədbir keçirilib

APA-nın məlumatına görə, DİN-in inzibati binasında keçirilən mərasimdə daxili işlər naziri Ramil Usubov və Prezident Administrasiyasının Hüquq-mühafizə orqanları ilə iş şöbəsinin müdiri Fuad Ələsgərov iştirak edib. Əvvəlcə F. Ələsgərov Azərbaycan prezidenti İlham Əliyevin təbrik məktubunu oxuyub. O bildirib ki, insan hüquq və azadlıqlarının qorunması daxili işlər orqanlarının əsas prioritetinə çevrilib. F. Ələsgərov deyib ki, ölkə prezidenti İlham Əliyev polisin maddi-texniki bazasının gücləndirilməsinə, polis əməkdaşlarının sosial vəziyyətinin yaxşılaşdırılmasına daim diqqət yetirir: “Bayram ərəfəsində bir qrup polis əməkdaşının təltif edilməsi də prezidentin polisə qayğısının nəticəsidir”.

Daxili işlər naziri Ramil Usubov isə çıxışında göstərdiyi diqqət və qayğıya görə Azərbaycan prezidentinə təşəkkür edib. O ölkə prezidentini və xalqı əmin edib ki, Azərbaycan polisi ölkədə əmin-amanlığın, sabitliyin qorunması istiqamətində, cinayətkarlıqla mübarizədə bundan sonra da ayıq-sayıq olacaq.

R. Usubov görülən işlərlə bağlı ətraflı məlumat verib. O, həmçinin bildirib ki, hazırda ölkədə polisin nüfuzu yüksəkdir, bu, artan xətlə davam edir, xalqla polis arasında etimad mövcuddur.

Mərasimdə Azərbaycan prezidentinin təltif etdiyi bir qrup polis əməkdaşına orden və medallar təqdim olunub.
# 921

Oxşar yazılar