Atanın əmri ilə qardaş bacısını öldürdü

Almaniyanın Hollandiya ilə sərhəddində yerləşən Kleve şəhərinin Ris qəsəbəsində dramatik qətl hadisəsi baş verib. Lent.az-ın “CNN Türk”ə istinadən verdiyi məlumata görə, qətlə yetirilən 20 yaşlı Gülsüm Seminin 50 yaşlı atası Yusuf Semin Kleve Ədalət Məhkəməsi tərəfindən ömrülük həbs cəzasına məhkum edilib.

Bacısı Gülsümü öldürən 19 yaşlı Davut Semih gəncliyi nəzərə alınaraq 9 il yarım müddətinə azadlıqdan məhrum olunub.

Qətli yerinə yetirməkdə Davut Semihə kömək edən, adı açıqlanmayan azərbaycanlıya (37 yaş) isə 7 il yarım müddətinə həbs cəzası kəsilib.

Gülsümün qətlə yetirilmə səbəblərinə gəlincə, qız sevgilisindən hamlə qalıbmış. Sonra isə bunu gizli saxlamaq üçün abort etdirib. Lakin ata qızıyla bağlı məsələni öyrənərək oğluna “bacın ailəmizin namusunu ləkələyib, get onu öldür, bu ləkəni təmizlə” deyib.

Davut da atasına “baş üstə” deyərək evdən çıxıb.

O, bu il martın 2-də bir azərbaycanlıyla birgə bacısına tələ quraraq onu tutub, sonra isə ağac parçalarıyla döyərək öldürüb.