Prodüser: "Şou-biznes elə iyrənc yerdir ki.."

Hazırda da Eldar Dolqatovla Sevinc Ağaşirinovanın konsertini təşkil etmək ərəfəsində yenə haqqımda mənfi fikirlər səsləndirməyə başlayıblar. Demək istəyirəm ki, ay binamuslar, biqeyrətlər sizin nəyinizi istifadə edib, pulunuzu verməmişəm? Qeyrətiniz varsa, gəlin sözünüzü üzümə deyin. Hər yeni layihəmdə çalışırlar ki, məni nüfuzdan salsınlar”. Bunu ANS PRESS-ə təşkilatçı-prodüser Samir Xattab deyib. O, bildirib ki, haqqında yayılan bu cür neqativ fikirlərə görə, hamıdan şübhələnir.

“Mənə danışılanlardan təxmin edirəm ki, bu, bir nəfərin işi deyil. Özümdən başqa hamıdan şübhələnirəm. Şou-biznes elə iyrənc yerdir ki, duz-çörək kəsdiyin insan arxanca danışır. Həmçinin, keçən dəfə dj Çinanın sosial şəbəkədəki şəxsi səhifəsinə təhdid mesajları göndərmişdilər. Ona demişdilər ki, Samirin tədbirinə qatılsan, sənin üçün yaxşı olmayacaq” - deyə, S.Xattab vurğulayıb.

Qeyd edək ki, təşkilatçı noyabr ayının 3-də Bakıda tanınmış müğənni Eldar Dolqatovun konsertini təşkil edəcək. Azərbaycan tamaşaçılarının qarşısına çıxacaq E.Dolqatov səhnədə azərbaycanlı həmkarı Sevinc Ağaşirinova ilə bərabər olacaq.