Yol qəzalarında 3 nəfər öldü

Lənkəran rayonun ərazisində yol-qəza hadisəsi baş verib. Lent.az-ın Daxili İşlər Nazirliyinin rəsmi saytına istinadən verdiyi məlumata görə, rayonun Osakücə kəndi ərazisində rayon sakini Rəqib İmaməliyev idarə etdiyi "QAZ-53" markalı avtomaşını yolun kənarındakı ağaca vurub. Nəticədə sərnişinlərindən Şahin Sadıqov hadisə yerində ölüb, xəsarət almış digər sərnişini Ramal İmanzadə isə xəstəxanaya yerləşdirilib, vəziyyəti orta-ağırdır.

Paytaxtın Sabunçu rayonu ərazisində də yol-qəza hadisəsi baş verib. "ZİL" və Bakı şəhər sakini Könül Tanışxanova məxsus "VAZ-21015" markalı avtomaşınlar toqquşub. Nəticədə "VAZ-21015" markalı avtomaşında olan 2 kişi (sürücü və sərnişin) hadisə yerində ölüb.

Daha bir yol qəzası Paytaxtın Yasamal rayonu ərazisində baş verib. Yasamal rayonu ərazisində, müəyyən edilməyən avtomaşınla Abşeron rayon sakini Aksana Orucəliyeva vurulub. Nəticədə xəsarət almış piyadaya xəstəxanada tibbi yardım göstərildikdən sonra buraxılıb.

İmişli rayonunun Mirli kəndi ərazisində, Füzuli rayon sakini Vüsal Əsədovun idarə etdiyi "VAZ-21099" və Saatlı rayon sakini Natiq Azadovun idarə etdiyi "ZİL" markalı avtomaşınlar toqquşub. Nəticədə xəsarət almış V.Əsədov və sərnişinləri Fərid Vəliyev və Ramin Əsgərov xəstəxanaya yerləşdirilib, vəziyyətləri orta-ağırdır.