Siyəzəndə bir ailə qəzaya düşdü: ana öldü, iki azyaşlı yaralandı

Bu gün Bakı-Quba-Rusiya Federasiyası dövlət sərhəddi yolunun 110-cu km-də, Siyəzən rayonu ərazində ölümlə nəticələnən yol nəqliyyat hadisəsi baş verib.

APA-nın şimal bürosunun məlumatına görə, 1982-ci il təvəllüdlü Şabran rayon sakini Abdullayev Güləli Nurəli oğlunun idarə etdiyi “Mercedes” markalı avtomaşın yoldan çıxaraq aşıb.

Qəza nəticəsində sürücünün həyat yoldaşı, 1982-ci il təvəllüdlü Abdullayeva Tamilla Mehman qızı hadisə yerində dünyasını dəyişib.

Qəza zamanı ailənin iki azyaşlı övladları, 2011-ci il təvəllüdlü Ruqiyyə və 2006-cı il təvəllüdlü Fərqanə müxtəlif dərəcəli bədən xəsarətləri alıb.

Onlar Siyəzən Regional Diaqnostika mərkəzinə yerləşdiriliblər. Fərqanənin vəziyyəti ağır olduğu üçün ilkin tibbi yardım göstərildikdən sonra onu Bakıda yerləşən xəstəxanalardan birinə aparıblar.

Faktla bağlı araşdırma aparılır.