Baş nazir pişiyi işdən çıxartdı - FOTO

Böyük Britaniyanın baş naziri Devid Kemeron “Larri” ləqəbli pişiyi işdən çıxarıb. Hə, sizə təəccüblü gəlməsin. Lent.az-ın Rusiya KİV-ə istinadən verdiyi məlumata görə, “Larri” hələ 2011-ci ilin fevralında gəmiriciləri tutub məhv etməkdə böyük məharəti olduğu üçün xüsusi zəmanətlə Danuniq-Stritdə, baş nazirin iqamətgahında də işə götürülmüşdü.

Az vaxtda “Larri” Kemeron kabinetinin simvollarından birinə çevrilmişdi. Hətta onun saxlanılması, yemlənməsi, tibbi müayinəsi üçün ayrılan xərclərə belə xüsusi büdcə ayrılmışdı.

Amma “Larri” belə komfort və rahat işdən tənbəlləşib. Məlumata görə, işə götürüləndən bəri vur-tut bircə gəmirici tutub öldürən “Larri” əksər vaxtını yatmaqla keçirirmiş.

Məhz tənbəlliyi üzündən Kemeron artıq onu işdən atıb. Bədbəxtçilikdən Kemeron özü “Larri”ni günün günorta çağı yatdığı yerdə haqlayıbmış. “Larri”nin əmrində də elə belə yazılıb: “Ovçuluq qabiliyyəti zəif olduğuna görə işdən azad edilsin”.
Bundan sonra “Larri”ni “Freya” adlı pişik əvəzləyib. “Larri”nin gələcək taleyi isə bilinmir.