Dərbənddən toydan qayıdan 10 nəfər qəzada öldü - FOTO

Rusiyanın Stavropol diyarında dəhşətli qəza baş verib. Lent.az-ın Dağıstan KİV-ə istinadən verdiyi məlumata görə, azərbaycanlılar yaşayan Dərbənd şəhərindən toydan qayıdan 10 nəfərin kirayələdiyi “Qazel” markalı mikroavtobus gecə saatlarında Koçubey-Zelenokumsk-Mineralnıye Vodı avtomagistralında iri tonnajlı yük maşını ilə toqquşub. Biri uşaq olmaqla, sərnişinlərin hamısı həlak olub. Yük maşınının sürücüsü isə ağır yaralanıb.

Məlumata görə, həlak olanların hamısı qohumdurlar. Dərbənddən, yaxın qohumları Müsafir Ömərovun toy nişan mərasimindən gələn Ömərovlar yaşadıqları Böyük Calqa kəndinə qayıdarkən qəzaya düşüblər. Ən faciəlisi odur ki, “Qazel”də həlak olan Luiza Ömərovanın bu gün toyu olacaqmış.

Ekspertlərin ilkin rəyinə görə, “Qazell”in sürücüsü yuxulu olub və yük maşınının yoluna çıxıb.

Səbuhi