Meksikanın qərbində Miçoakan ştatında polislə silahlı adamlar arasında baş verən atışma nəticəsində 14 nəfər həlak olub.
Lent.az-ın xarici informasiya vasitələrinə istinadən məlumatına görə, birinci atışma zamanı ehtimal olunan cinayət kar qrupun 5 üzvü öldürülüb. Bir neçə saat ərzində Apatsinqan şəhərində yürüşçülərə açılan atəş nəticəsində 8 nümayişçi həlak olub.
Basqın edənlərdən biri öldürülüb.
Hakimiyyət son 4 ayda narkotacirlərlə bağlı qətllərin və cinayətlərin azaldığını elan etdiyi bir zamanda növbəti zorakılıq dalğası baş qaldırıb.
Ölkə prezidenti Enrike Penya Netto narkocinayətə qarşı mübarizəni başlıca vəzifələrindən biri elan edib.