İranlı hüquqçular təkrar edamın ləğvini istəyir
17 oktyabr 2013 23:32 (UTC +04:00)

İranlı hüquqçular təkrar edamın ləğvini istəyir

İranda bir qrup hüquqçu təkrar edamın ləğvi ilə bağlı ölkənin Ədliyyə Nazirliyinə müraciət edib.

Lent.az-ın «BBC»-yə istinadən məlumatına görə, ötən həftə narkotik maddələrin satışı və qaçaqmalçılığı ittihamı ilə dar ağacından asıldıqdan bir sutka sonra morqda özünə gələn  37 yaşlı məhbus Əlirza adlı şəxsin yenidən asılacağı haqda xəbərlər yayıldı.

 

Hadisə İranın Şimali Xorasan əyalətinin mərkəzi Bucnurd şəhərində baş verib.O, Bucnurddakı həbsxanasında edam edilib. 12 dəqiqə dar ağacından asılı vəziyyətdə qalıb.Həkimlər də onun ölməsini təsdiqləyiblər.

 

Üç il bundan əvvəl həbs edilərək ölüm cəzasına məhkum olunmuş məhbusun cəsədinin ertəsi gün dəfn olunmaq üçün ailəsinə təhvil verilməsi qərara alınıb. Meyit İran Məhkəmə Tibbi Ekspertizasının morquna göndərilib. Ancaq  ertəsi gün meyitxananın işçilərindən biri onun nəfəs aldığını görüb, daha sonra məhbus dövlət xəstəxanalarından birinə köçürülüb.

 

Hazırda polis nəzarəti altında saxlanılan Əlirzanın sağlıq durumunun yaxşılaşdığı bildirilir  Ailəsinin onun həyatda olmasına sevinməsə də, məhbusun yenidən asılacfğınndan kədərləniblər.

 

Hakim deyib ki, onlar bu kimi hallarla bağlı ayətullah Behcət və ayətullah Safi Gülpayəqaninin kitablarındakı rəyini nəzərə alaraq, həmin şəxsin yenidən edam olunmasını istəyirlər. Onun sözlərinə görə, onlar Əlirzanın tam sağaldığını gözləyirlər və həkimlər onun səhhətinin normal vəziyyətə qayıtdığını təsdiqlədikdən sonra onu yenidən asacaqlar.

 

Əlirzanın dirildikdən sonra yenidən asılacağı haqda yayılan məlumatlar beynəlxalq hüquq müdafiəçilərinin kəskin etirazına səbəb olub. «Amnesty İnternational» beynəlxalq təşkilatının rəsmisi Filip Loter bəyanat yayaraq iranlı məhbusun təkrar edamının dayandırılmasını tələb edib: «Bu şəxsin əvvəlki edamdan sonra vəhşət içində yenidən dar ağacının əzabına rəva görülməsi qəbuledilməzdir. Bu yalnız ölüm hökmünün nə qədər qeyri-insani bir hökm olduğunu sübut edir».

 

İranda tanımış din adamları onun hətta əfv edilməsini təklif edib. 

# 1170
avatar

Oxşar yazılar