İdlibdəki vəziyyət BMT TŞ-də müzakirəyə çıxarılır

BMT Təhlükəsizlik Şurası aprelin 5-də saat 10.00-da Suriyanın kimyəvi silahdan istifadə edilmiş İdlib şəhərində yaranmış vəziyyəti müzakirə edəcək.

APA-nın “RİA Novosti”yə istinadən verdiyi xəbərə görə, bu barədə ABŞ-ın BMT-dəki daimi nümayəndəsi (apreldə sədrlik edir) Nikki Heyli bildirib. O, məsələ ilə bağlı BMT TŞ iclasının təcili çağırıldığını bildirib.

Bundan əvvəl Fransa XİN rəhbəri Jan-Mark Eyro Suriyada kimyəvi silahdan istifadə ilə bağlı BMT TŞ iclasının təcili çağırmaq lazım olduğunu bildirib