[b]Fransa da Avropa Birliyindən çıxa bilər[/b]

Fransada prezidentliyə namizəd Emanuel Makron ölkəsinin Avropa İttifaqından çıxmasının mümkün olduğunu açıqlayıb.

APA-nın məlumatına görə, bu barədə o, BBC-yə müsahibəsində deyib.

“İrəli” hərəkatının lideri bildirib ki, əgər təşkilat islahatlara getməsə, bu, baş verə bilər: “Düşünürəm ki, mən Avropa İttifaqında və bizim Avropa layihəmizdə dərin islahatlarla məşğul olmalı olacağam. Əks halda, Fransa “Frexit”lə üzləşə bilər”.

Xatırladaq ki, Fransada yeni prezidentin kimliyi mayın 7-də məlum olacaq.