Hindistanda COVID qiyaməti devam edir.
Lent.az xarici mediaya istinadla bildirir ki, ölkədə ölüm sayı ilə bağlı yeni kədərli bir rekord müəyyənləşib. 24 saat ərzində (5 may saat 8: 00-dək olan məlumatlar), ölkədə 3780 nəfər koronavirusdan ölüb.
Son sutkada isə Hindistanda 412,2 min yeni yoluxma qeydə alınıb. Ölüm sayında növbəti antirekord olub – 3980 nəfər ölüb
Bu gün Hindistan dünyadakı bütün koronavirus hadisələrinin təxminən yarısını və son yeddi gündə qeydə alınan dörd ölümdən birini təşkil edir.
Ümumdünya Səhiyyə Təşkilatının məlumatına görə, aprelin 27-dən mayın 4-dək dünyada qeydə alınan 5,7 milyon yoluxmanın demək olar 2,6 milyonu Hindistanın payına düşüb.
Həmin müddətdə dünyada COVID-19-dan ölən 93 min nəfərin 23 mini də Hindistanda qeydə alınıb.
Bu isə o deməkdir ki, son iki həftədə Hindistanda hər saatda ən azı 120 nəfər ölüb. Bu yalnız rəsmi statistikadır. Reallıqda isə COVID-19-a yoluxanların və ölənlərin sayının daha çox olduğu iddia edilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
