Keçən ilin may ayında Saxara səhrasında tapılan müəmmalı qaya parçasının – “Erg-Shesh 002” adlandırılıan meteoritin araşdırılması sona çatıb.
Lent.az xarici KİV-ə istinadən xəbər verir ki, Fransanın Paris və Lotaringiya universitetlərinin, Planetologiya və Astrofizika İnstitutunun, həmçinin, Yaponiyanın Milli Qütb Araşdırmaları İnstitutunun alimlərinin birgə əldə etdiyi nəticəyə görə, meteorit qədim bir protoplanetdən ayrılıb və Yerdən daha yaşlıdır.
Qaya parçasının ümumi çəkisi 32 kiloqramdır. Nümunənin ən çox yayılmış meteoritlərə - xondritlərə aid olmadığı aydın olduğu üçün dərhal mütəxəssislərin diqqətini çəkib.
Daşın tərkibindəki elementlərin 4565 milyard il əvvəl kristallaşdığı ortaya çıxıb. Yəni bu o deməkdir ki, sözügedən meteorit 4,54 milyard yaşında olan planetimizdən daha erkən yaranıb.
Alimlər ən qədim qaya nümunəsini kəşf etdiklərinə inanırlar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
