Argentina prokurorları 1994-cü ildə Buenos-Ayresdə yəhudi mərkəzinin partladılması ilə bağlı İranın ali dini lideri Ayətullah Əli Xamneyini həbs etməyə çağırıb.
Lent.az xəbər verir ki, bu barədə “The Jerusalem Post” məlumat yayıb.
“Prokuror Sebastian Basso federal hakim Daniel Rafekasdan İranın ali dini lideri Əli Hüseyni Xamenei üçün milli və beynəlxalq həbs orderi verilməsini istəyib”, - hesabatda qeyd olunur.
Xüsusilə, Basso İranın ali dini liderinin insidentdə mümkün iştirakını yoxlamaq istəyir. Lakin məqalə müəlliflərinin qeyd etdiyi kimi, bu, Buenos-Ayreslə Tehran arasında münasibətləri xeyli pisləşdirə bilər.
Xatırladaq ki, Argentina Yəhudi Mədəniyyət Mərkəzində partlayış 1994-cü il iyulun 18-də paytaxt Buenos-Ayresdə baş verib. Ölkə tarixində ən irimiqyaslı terror aktı nəticəsində 85 nəfər həlak olub, 200-dən çox insan yaralanıb. Hücuma görə günahı Livanın şiə Hizbullah hərəkatı üzərinə götürüb. Ötən il aprelin 24-də Argentina beynəlxalq order verib və İranın daxili işlər naziri Əhməd Vahidinin hadisədə əli olmaqda şübhəli bilinərək həbsini tələb edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
