Lotereyadan 167 milyon dollar uddu, 4 gün sonra həbs olundu

ABŞ-ın Kentukki ştatının tarixindəki ən böyük lotereya uduşunun şanslı qalibi dörd gün sonra həbsxanaya düşüb.

Lent.az xarici KİV-ə istinadla bildirir ki, aprelin 26-da baş tutan tirajda 50 yaşlı Ceyms Fartinq 167,3 milyon dollar udub. Kişi ailəsi ilə birgə böyük məbləğdə uduş çeki ilə şəkil çəkdiriblər.

İki gün sonra Kentukki polisi Fartinqin Florida ştatının Sent-Pit-Biç şəhərindəki oteldə həbs olunduğu barədə məlumat alıb. Məlum olub ki, lotereya qalibi sevgilisi ilə digər qonaqlarla dava edib. Xüsusilə, Fartinq rəqibinin üzünə bir neçə zərbə endirib. Rəisin müavini davanı dağıtmaq istəyəndə yeni milyonçu onun üzünə təpik atıb.

Fartinq hadisə yerindən qaçsa da, tezliklə tutulub. Həbsdən sonra məlum olub ki, həmin şəxs əvvəllər oğurluq, eləcə də narkotik vasitələrin qanunsuz dövriyyəsinə görə həbsdə olub və 2024-cü ildə şərti azadlığa buraxılıb. O, xidməti vəzifəsini yerinə yetirərkən polis əməkdaşına hücum etmək və şərti azadlığı pozmaq kimi ağır cinayətlərdə, həmçinin iki yüngülvari cinayətdə ittiham olunub.