İsrail Qəzza zolağında "Dəmir Qılınclar" əməliyyatına başladı - YENİLƏNİB

İsrail Müdafiə Qüvvələri islamçı HƏMAS hərəkatının hərəkətlərinə cavab olaraq "Dəmir Qılınclar" əməliyyatına başladığını elan edib.

Lent.az bu barədə "The Times of Israel" məlumat yayıb.

***
Saat: 11:11

Anklavdan İsrail şəhərlərinə raketlər atıldıqdan sonra İsrail ordusu Qəzza zolağına hücumlara başlayıb.

Lent.az xarici mediaya istinadla bildirir ki, İsrail buna cavab verərkən Qəzza zolağında sirenlər səslənməyə başlayıb.

Oktyabrın 7-də səhər tezdən İsrailin cənubunda, Qəzza zolağı ilə sərhədə yaxın ərazilərdə, eləcə də Tel-Əviv ərazisində İsrail ərazisinə raket zərbələri endirilməsi ilə bağlı hava siqnalı səslənib.

İsrail Müdafiə Nazirliyinin məlumatına görə, Qəzza zolağından olan naməlum sayda terrorçu sərhəd bölgələrinə sızıb.

Müdafiə naziri Yoav Qalant raket atəşi fonunda ehtiyatda olan hərbçilərin kütləvi toplanacağını, eləcə də müharibəyə hazırlıq vəziyyətini elan edib. Baş nazir Benyamin Netanyahu təhlükəsizlik blokunun komandanlığı ilə görüş keçirmək üçün Təl-Əvivdəki Müdafiə Nazirliyinin qərargahına gedib.