Türkiyənin İzmir vilayətində kişi münasibətdə olduğu evli qadını güllələyib.
Lent.az yerli KİV-ə istinadla bildirir ki, evli və 2 uşaq anası olan 41 yaşlı Hədiyyə.D Bayraqlı qəsəbəsində yaşayan 29 yaşlı sevgilisi Mikayıl.G-nın evinə gedib. Orada aralarında yaranan münaqişə nəticəsində Mikayıl tüfənglə Hədiyyəni çiynindən yaralayıb. Daha sonra isə həmin tüfənglə başına atəş açaraq, intihar edib.
Atəş səsinə gələn qonşular dərhal təcili tibbi yardım və polisə xəbər veriblər.
Aralarında mübahisə yaranan ikilinin münasibətdə olduqları bildirilir.
Faktla bağlı araşdırmalar davam etdirilir.