Dünyanın ən böyük badımcanını yetişdirdi - Çəkisi heyrətamizdir

ABŞ-ın Pensilvaniya ştatında ən ağır badımcan yetişib.

Lent.az xəbər verir ki, “Ginnesin Rekordlar Kitabı”na düşən bu nəhəng badımcanın çəkisi 3,969 kq təşkil edib.

Bu qeyri-adi dərəcədə böyük meyvənin orta diametri 78,7 sm-dir və onu ABŞ-ın Harrison City şəhərindən olan Erik Gunström yetişdirib. O, badımcanları cəmi üç ildir yetişdirsə də, ümumilikdə nəhəng tərəvəz yetişdirməyə həvəsi olduğunu bildirib.

“Mənim rəqabətli tərəvəz yetişdirməyə marağım təxminən iyirmi il əvvəl nəhəng balqabaqlarla başladı. 2022-ci ildə balqabaq üzrə şəxsi rekordum 1090,8 kq olub”, –Gunström deyib.

Hazırda ən ağır balqabaq rekordu 1246,9 kq təşkil edir və bu göstərici 9 oktyabr 2023-cü ildə amerikalı həvəskar bağban Travis Gienger tərəfindən qeydə alınıb.

19 avqustda Gunström qiymətləndirmə üçün iki badımcan təqdim edib. Təəccüblüdür ki, hər ikisi dünya rekordunu yeniləyib: onlardan bir az kiçiyi belə 3,900 kq çəkib ki, bu da supermarketdə tapılan adi badımcandan təxminən 12 dəfə böyükdür.

Rekord qıran badımcanının surətini gələcək nəsillər üçün hazırlamağı planlaşdıran Gunström, çəkilmə nəticələrini görəndə şoka düşüb:

“Yer üzündə badımcan yetişdirən bütün insanlar arasında, mən indiyədək mövcud olmuş ən böyük badımcanı yetişdirdim. Və sonra eyni vaxtda iki dünya rekordunu qırmaq, onları yığmaq və birlikdə çəkmək... Bu, hər bir insanın həyatda heç olmasa bir dəfə yaşamalı olduğu bir hissdir”.

Bu bağçılıq uğuru 2025-ci ilin əlverişsiz havaya baxmayaraq baş verib. Pensilvaniyalı bağban belə danışıb:

“Bağçılıqla məşğul olduğum bütün illər ərzində bu, hava şəraitinin mürəkkəbliyi baxımından yəqin ki, ən çətin il idi. Mövsüm çox rütubətli və soyuq temperaturla başladı və bu hal iyuna qədər davam etdi. Sonra isə sanki kimsə düyməyə basdı və temperatur bir anda 10 dərəcə qalxdı, nəticədə çox isti və rütubətli yay oldu. Bizim güclü fırtınalarımız çox oldu, hər dəfə bir neçə santimetr yağıntı buraxaraq keçib gedirdi. Açığı, mən mövsümün əvvəlində bu bitkilərin soyuq və rütubətli havadan sağ çıxacağına inanmırdım. Necəsə onların öhdəsindən gəldilər, böyüdülər, böyüdülər və nəticədə iki badımcan yetişdirdilər ki, hər ikisi də dünya rekordunu qırdı”.