Dırnağına iynə sancdılar, çəkiclə döyəclədilər... - MƏKTƏBLİ QIZIN FACİƏSİ

Rusiyanın Krasnoyarsk şəhərində 16 yaşlı məktəbli qız faciəli şəkildə öldürülüb.

Lent.az da Rusiya İstintaq Komitəsinin məlumatına istinadən xəbər verir ki, 19-23 yaş aralığında olan 4 kişi və 1 qadın 16 yaşlı məktəbli qızı qaçıraraq işgəncə verərək öldürüblər.

İstintaqın məlumatına görə, əvvəlcə qızı qəbiristanlığa gətirərək orada onun dırnaqları arasına iynə sancıblar. Sonra isə barmaqlarını çəkiclə əziblər.

Bu da azmış kimi, işgəncəni Yenisey çayının sahilində davam etdiriblər. Nəhayət məktəbliyə elektrik cərəyanı verərək öldürüblər.

İşgəncə və qətlin bütün iştirakçıları müəyyən edilərək saxlanılıb. Hazırda cinayət işi prokurorluğa verilib, məhkəmə üçün sənədlər hazırlanır.