Biznesmen "killer" qadından möcüzə sayəsində qurtuldu

Sui-qəsdlər törədən qadın bir missiya üçün İngiltərədə özünü amerikalı turist kimi göstərib, lakin silahının tıxanması səbəbindən qətli yerinə yetirə bilməyib və qaçıb.

Lent.az xarici KİV-ə istinadla bildirir ki, 44 yaşlı Aymi Betroya geyim butikinin sahibini və atasını aradan götürmək tapşırılıb. Cinayətin təşkilatçıları onların ailəsindən qisas almaq qərarına gələn Məhəmməd Əsləm və oğlu Məhəmməd Nazir idi. 2018-ci ilin yayında tərəflər mübahisə edib, hətta əlbəyaxa dava ediblər və xəsarət alıblar.

Təyinat üçün Betro 2019-cu ilin avqustunda Böyük Britaniyaya gedib və özünün sadəcə səyahət etdiyini deyib. Qadın şübhələnməmək üçün sosial şəbəkələrdə istirahətindən çoxlu foto və videolar yayımlayıb.

Sentyabrın 8-də Betro maskalanmaq üçün hicab taxıb və ilk qurbanını avtomobildə izləyib. Kişi dayananda qadın maşına yaxınlaşaraq ona silah tuşlayıb. Daha sonra tətiyi çəksə də, silah sıxılıb. Nəticədə qətli tapşırılan adam xilas olub.

Ertəsi gün səhər Betro öldürmək istədikləri adamların evinə gəlib qışqıraraq, üç dəfə atəş açıb və onları hədələyib. Təhdidlərə baxmayaraq, qadın sifarişi yerinə yetirə bilməyib. İki gün sonra o, ABŞ-a qayıdıb və gizlənməyə çalışıb.

Atışma ilə bağlı araşdırmaya başlayan polis Betronun müştərilərini tapıb. Ata və oğul həbs edilib. İyunun 5-də onlar iki nəfəri öldürmək üçün sui-qəsddə təqsirli biliniblər. Betro hələ də tapılmayıb.