Gürcüstanda gərginlik: 11 terrorçu məhv edildi, 6-sı mühasirədədir

Gürcüstan Daxili İşlər Nazirliyi Rusiya ilə sərhəd zolağında apardığı əməliyyat zamanı 11 silahlını məhv edilib. Lent.az-ın Gürcüstan KİV-ə istinadən verdiyi xəbərə görə, bu barədə bir qədər əvvəl keçirdiyi brifinqdə Gürcüstan DİN-n sözçüsü Şota Xizanişvili bildirib.

Xizaniaşvili onu da qeyd edib ki, əməliyyat hələ də davam edir. 6 təxribatçı hələ də mühasirədədir və müqavimət göstərirlər.

Gürcüstan tərəfi isə 3 itki verib.

Xatırladaq ki, bu gün səhər Gürcüstanın daxili qoşunları Rusiya ilə sərhəd Telavi rayonundakı meşə massivində xüsusi əməliyyata başlayıb. Lent.az-ın Gürcüstan KİV-ə istinadən verdiyi xəbərə görə, əməliyyat sərhəd zolağında bir neçə silahlı şəxsin görünməsindən sonra həyata keçirilir.

Məlumata görə, daxili qoşun əsgərləri əslində meşədə itkin düşmüş yerli gəncləri axtarırmış. Amma silahlı şəxslərə də elə həmin axtarış zamanı rast gəlinib.

Hazırda həmin şəxslər hərbçilər tərəfindən təqib edilir. Onların Dağıstanda fəaliyyət göstərən yaraqlılara olması da istisna deyil.