Yığmamızın qrupunda qalib bəlli oldu – seçmə mərhələdə

21 yaşadək futbolçular arasında Avropa çempionatının seçmə mərhələsində növbəti oyunlar keçirilib.

Apasport.az saytının məlumatına görə, Azərbaycan millisinin yer aldığı 2-ci qrupda bir matç baş tutub.

Qrupun liderləri Fransa və İsveçrə 1-ci yerin taleyinin həll olunduğu görüşdə üz-üzə gəlib. Bunadək final mərhələsinə vəsiqəni təmin edən komandaların qarşılaşması məhsuldar alınıb.

3:1 hesablı qələbə qazanan Fransa qrup qalibi olub. İsveçrə ikinci yerlə kifayətlənib.

Hazırda 5-ci pillədə olan Azərbaycan millisinin mövqeyi bu gün baş tutacaq qrupun son matçından sonra rəsmiləşəcək. Slovakiya öz meydanında Lixtenşteynlə üz-üzə gələcək.