Marselo “Real”dan gedir

İspaniyanın “Real” klubunun futbolçusu Marselo karyerasını Şimali Amerikada davam etdirə bilər.

Apasport.az saytının məlumatına görə, braziliyalı müdafiəçi MLS-də oynamaq niyyətindədir.

32 yaşlı futbolçu müqaviləsinin başa çatmasını gözləmək fikrində deyil. O, artıq bu qış komandasını dəyişməyi planlaşdırır.

Qeyd edək ki, cari mövsüm La Liqada 2 oyun keçirən Marselonun müqaviləsi 2022-ci ilin yayında başa çatacaq.