16:42
30 Sentyabr 2020

Bu şəxslərlə əmək müqaviləsi bağlayanlar cərimələnəcək

Pedaqoji fəaliyyətlə məşğul olması qadağan edilən şəxslərlə əmək müqaviləsi bağlamış şəxslər cərimələnəcəklər.

APA-nın məlumatına görə, bu, Milli Məclisin bu gün keçirilən iclasında birinci oxunuşda müzakirəyə çıxarılan İnzibati Xətalar Məcəlləsinə təklif edilən yeni maddədə əksini tapıb.

Yeni maddəyə əsasən, əmək qanunvericiliyinin pozulmasına görə inzibati cəzaların siyahısı genişləndirilir. Bununla bağlı İnzibati Xətalar Məcəlləsinə 192.12-ci maddənin əlavə olunması təklif edilir.

Yeni maddəyə əsasən, pedaqoji fəaliyyətlə məşğul olması qadağan edilən şəxslərlə əmək müqaviləsinin bağlanılmasına görə vəzifəli şəxslərin cərimələnməsi nəzərdə tutulur.

Layihəyə əsasən, həmin şəxslərin pedaqoji fəaliyyətlə məşğul olması üçün əmək müqaviləsinin bağlanılmasına görə vəzifəli şəxslər üç min manat məbləğində cərimə edilir.

Qanun layihəsi birinci oxunuşda səsə qoyularaq qəbul edilib.

Dİgər xəbərlər