Qubernatorun kortejinə hücum edildi: 15 ÖLÜ
26 sentyabr 2020 05:35 (UTC +04:00)

Qubernatorun kortejinə hücum edildi: 15 ÖLÜ

 

Nigeriyanın şimal-şərqində İŞİD terror qruplaşmasına bağlı qüvvələr tərəfindən qubernator karvanına edilən silahlı hücum nəticəsində 15 təhlükəsizlik əməkdaşı öldürüb.

APA xəbər verir ki, bu barədə “France-Presse” agentliyi mənbələrə istinadən məlumat yayıb.

Məlumata görə, birində Borno ştatının qubernatoru Babaqana Umara Zulumun olduğu avtomobil karvanına edilən hücumda səkkiz polis əməkdaşı, üç əsgər və hökumət tərəfindən dəstəklənən dörd üsyançı öldürülüb. Hücum Çad gölü sahilindəki Baqa şəhəri yaxınlığında baş verib.

Avtomobil karvanı Xüsusi Təyinatlı Çoxmillətli Birləşmiş Qüvvələrin qərargahının yaxınlığından keçərkən terrorçular pulemyotlardan və qumbaraatanlardan atəş açıblar. Məlumata görə, hücum zamanı qubernator yaralanmayıb.

# 1804
avatar

Oxşar yazılar