6912
19:55
12 May 2020

Evdə çiçəyə baxmaq üçün 6 TÖVSİYƏ

Evinizdə çiçək böyütməyi sevirsinizsə, onların daha uzun yaşamaqları üçün sağlam bir mühit yarada bilərsiniz.

Çiçəklərə qulluq asan iş kimi görünsə də, əslində olduqca çətindir. Əgər baxdığınız çiçəklərin daha uzunömürlü olmasını istəyirsinizsə, bu tövsiyələrə əməl etməlisiniz.

Lent.az sizə çiçək baxımı üçün 6 qızıl qaydanı təqdim edir.

1. Nəmlik səviyyəsini qiymətləndirin

Mövzu ev bitkiləri olduqda mütləqdir ki, evin nəm səviyyəsinə uyğun çiçək seçəsiniz. Məsələn, tropik bitkilərin nəmə daha çox ehtiyacı var. Əgər nəmişlik səviyyəsi aşağı olan yerdə yaşayırsınızsa, dibçəyin dibinə çınqıl tökmək və ya dibçəyi su dolu qabın içinə qoymaq lazımdır.

2. Həddindən artıq sulama və drenaj

Çox sulandıqda və ya mütəmadi olaraq qurudulmadıqda, bitkilərin kökləri çürüməyə başlayır. Daşlar və digər qurutma vasitələri tarazlığı qorumağınıza kömək edir.

3. Gün işığı

Su qədər günəş də bitkinin yaşaması üçün olduqca vacibdir. Çiçəklərinizi evinizin gün işığı düşən hissəsinə qoyun. Növlərindən asılı olaraq birbaşa günəş işığı və ya kölgə tələb edən çiçəklər var.

4. Gübrələr

Çiçəklərinizə çox gübrə vermək onların sürətli böyüməsinə səbəb olur. Hətta dibçəyi dəyişməyə ehtiyac yarana bilər. Bu səbəbdən də gübrələmə əsasən yaz aylarında 3 dəfə olmaqla aparılmalıdır.

5. Çiçəklərinizi diqqətli seçin

Əgər bitkilərinizə çox vaxt ayıra bilmirsinizsə, fikrinizi asan baxılan növlərə yönəldin. Məsələn, aloe vera az baxım tələb edən bitki növüdür.

6. Çox tez-tez yerlərini dəyişməyin

Ev heyvanları kimi bitkilər də yer dəyişdirməyi sevməzlər. Onlar üçün uyğun işığı tapdıqdan sonra yerlərini dəyişməmək məsləhət görülmür.