16:28
11 Aprel 2020

Belçikada bir gündə 327 nəfər koronavirusdan öldü


Belçikada son sutka ərzində 327 nəfər koronavirusdan ölüb.

APA-nın xəbərinə görə, ölkənin Səhiyyə Nazirliyinin Böhran Qərargahının yaydığı məlumatda bildirilir ki, ölənlərin ümumi sayı 3 346-ya yüksəlib.

Ən ağır vəziyyət qocalar evlərindədir. Ölümlərin 42 faizi bu evlərin payına düşür.

Son sutka ərzində 1 351 yeni yoluxma qeydə alınıb, yoluxanların ümumi sayı 28 018-dir.

Belçikada martın 14-dən aprelin 19-dək sosial izolyasiya tədbirləri görülür, tədbirlərin mayın 3-dək uzadılması gözlənilir.

Dİgər xəbərlər