Almaniyanın “Bavariya” klubunun futbolçusu David Alaba yay “transfer pəncərəsi”ndə Münhen təmsilçisini tərk etməyi planlaşdırır.
Apasport.az saytının məlumatına görə, avstriyalı müdafiəçi artıq İngiltərə təmsilçisi “Mançester Siti”yə keçməkdən imtina edib.
27 yaşlı futbolçu karyerasını Böyük Britaniya deyil, İspaniyada davam etdirmək niyyətindədir. Alaba maraq dairəsində olduğu “Real” və “Barselona” arasında seçim etməyə üstünlük verir. Məşhur agent Pini Zahavi ilə əməkdaşlığa başlayan avstriyalının “Bavariya” ilə müqaviləsi 2021-ci ilin yayında başa çatacaq.
Qeyd edək ki, Alaba cari mövsümdə 28 oyunda 1 qol vurub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
