2807
11:29
18 Mart 2020

“Erməni KİV-in yaydığı məlumatın heç bir əsası yoxdur” – Rəsmi AÇIQLAMA

Ermənistan KİV növbəti təxribata əl atıb.

Rəsmi İrəvan ordudakı COVID-19 koronavirus pandemiyası ilə bağlı yoluxmaları gizlətmək üçün müxtəlif xarakterli dezinformasiyalar yayır.

Erməni KİV-ləri və rəsmi orqanları bir tərəfdən orduda koronavirusa yoluxanların olmadığını iddia etməklə yanaşı, digər tərəfdən son günlər Azərbaycan Ordusunun 3, Sərhəd Xidmətinin isə 1 hərbi qulluqçusunun virusdan öldüyü barədə dezinformasiyalar yayır.

Lent.az bununla bağlı nazirlik və xidmətə sorğu göndərib.

Müdafiə Nazirliyi və Dövlət Sərhəd Xidmətindən Lent.az -ın sorğusuna cavab olaraq bildiriblər ki, erməni KİV-ləri tərəfindən yayılan məlumatın heç bir əsası yoxdur və daxili ictimai-siyasi gərginliyin aradan qaldırılmasına hesablanıb.