418
08:06
23 Yanvar 2020

ABŞ-da silahlı insident: 1 ölü, 5 yaralı

ABŞ-ın Vaşinqton ştatının Sietl şəhərinin mərkəzində naməlum şəxs insanların sıx cəmləşdiyi istiqamətə atəş açıb.

APA-nın NBC telekanalına istinadən verdiyi məlumata görə, silahlı insident nəticəsində 1 nəfər ölüb, 5 nəfər yaralanıb.

Şəhər polisi “twitter”də bildirib ki, hüquq-mühafizə orqanlarının əməkdaşları artıq hadisə yerindədir. Şübhəli şəxsin axtarışı davam etdirilir.

Hadisənin turistlər arasında populyar olan məkanda baş verdiyi bildirilir. 9-55 yaş aralığında olan yaralılar xəstəxanaya yerləşdirilib.