1151
11:39
15 Yanvar 2020

İcra hakimiyyətləri ilə bağlı 7 cinayət işi başlanıb - RƏSMİ

“Yerli icra hakimiyyət orqanlarında olan qeyri-neqativ hallarla bağlı Baş İdarəyə müraciətlər daxil olub, araşdırma aparılıb”.

Lent.az -ın məlumatına görə, bunu Baş prokurorun müavini - Baş prokuror yanında Korrupsiyaya qarşı Mübarizə Baş İdarəsinin rəisi Kamran Əliyev 2019-cu ilin yekunlarına dair keçirilən mətbuat konfransında deyib.

Onun sözlərinə görə, ötən il icra hakimiyyəti orqanları ilə bağlı 7 cinayət işi başlanıb: “Həmin cinayət işləri üzrə 9 vəzifəli şəxs həbs olunub. Onlar barəsində aparılan ibtidai istintaq başa çatdırılaraq məhkəməyə göndərilib”.

K. Əliyev onu da qeyd edib ki, ötən il bank kartları ilə bağlı İdarəyə 1 cinayət işi daxil olub: “İş üzrə araşdırılmalar aparılaraq istintaq başa çatdırılaraq məhkəməyə göndərilib. Ziyanın ödənilməsi tam təmin olunub və vəzifəli şəxslər məsuliyyətə cəlb edilib. Bank işləri üzrə ümumilikdə 57 şəxs barəsində 22 cinayət işi baxılması üçün məhkəməyə göndərilib. Bu əsasən fəaliyyətini dayandırmış banklarla bağlı olub”.