641
04:10
11 Yanvar 2020

ABŞ İranın 17 şirkətinə qarşı sanksiya tətbiq etdi

ABŞ İranın 17 aparıcı şirkətinə qarşı sanksiya tətbiq edib.

APA-nın RİA Novosti-yə istinadən verdiyi məlumata görə, bu barədə ABŞ-ın Maliyyə naziri Stiven Mnuç jurnalistlər üçün keçirdiyi brifinqdə deyib.

O bildirib ki, sanksiyalar əsasən mədən və metal istehsalı ilə məşğul olan şirkətlərə qarşı nəzərdə tutulub.

Eyni zamanda ABŞ-ın İraqdakı hərbi bazalarının vurulmasında iştirakı iddia edilən İranın yüksək vəzifəli şəxslərinə qarşı da sanksiyaların həyata keçiriləcəyi bildirilib.