Runi İngiltərəyə qayıtdı və ilk qələbəsini qazandı

İngiltərəyə qayıdan futbolçu Ueyn Runi ilk qələbəsini qazanıb.

Lent.az xarici mediaya istinadla xəbər verir ki, hücumçu “Derbi Kaunti”nin heyətində “Barnsli”yə qarşı oyunda debüt edib.

Çempionşipin 26-cı turunun oyunu (statusuna görə İngiltərə futbol diviziyasında ikinci) Derbi komandasının 2:1 hesablı qələbəsi ilə başa çatıb.

Cərimə zərbəsini yerinə yetirən Ueyn Runi Cek Marriottun vurduğu qolun ötürməsi ilə fərqlənib.

Runinin komandası hazırda Çempionşipdə 17 xalla turnir cədvəlinin 17-cı sırasındadır. Turnirdə ümumilikdə 24 komanda iştirak edir.

İngiltərəli forvard “Derbi Kounti” ilə hələ 2019-cu ilin yayında müqavilə imzalayıb. Müqavilənin şərtlərinə əsasən, Ueyn Runi həm məşqçi, həm də oyunçu kimi çıxış edəcək.

Oyunçu son iki ildə Amerikanın “Di Si Yunayted” komandasında çıxış edib. İngiltərəli MLS-də 48 oyun keçirib və 23 qol vurub.

Ueyn Runi “Mançester Yunayted” klubunda çıxışı ilə daha çox tanınıb. O, həmin komandanın heyətində 5 dəfə İngiltərə Premyer-liqasının qalibi olub. 2008-ci ildə isə Çempionlar liqasını qazanıb.