Ukraynanın “Şaxtyor” klubunun qapıçısı Andrey Pyatov uğursuz statistika ilə diqqət mərkəzinə düşüb.
Lent.az-ın məlumatına görə, 35 yaşlı qolkiper avrokuboklarda 2 il 10 aydır qapısının toxunulmazlığını qoruya bilmir.
Çempionlar Liqasının qrup mərhələsinin sonuncu turunda “Atalanta” ilə keçirilən matçda (0:3) da Pyatov “ənənəsinə sadiq qalıb”. Bu, Ukrayna yığmasının üzvünün avrokuboklarda ardıcıl qol buraxdığı 23-cü oyun olub. Pyatov sonuncu dəfə 2017-ci ilin fevralında Avropa Liqasında “Selta” ilə baş tutan görüşdə (1:0) qol buraxmayıb.
Qeyd edək ki, Çempionlar Liqasında C qrupunu 3-cü yerdə bitirən “Şaxtyor” Avropa Liqasında oynamaq hüququ qazanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
