Moskvanın keçmiş meri vəfat etdi - YENİLƏNİB

Moskvanın keçmiş merinin öldüyünü Rusiyanın Berlindəki səfirliyi təsdiqləyib.

***

13:22

Moskvanın keçmiş meri Yuri Lujkov 84 yaşında vəfat edib.

Lent.az Rusiya KİV-nə istinadən bildirir ki, bu haqda 5-ci kanal məlumat yayıb.

Onların yaydığı məlumata görə, Rusiya paytaxtının keçmiş rəhbəri Almaniyanın Münhen şəhərindəki klinikalardan birində keçinib.

Lujkovun burada ürəyindən əməliyyat keçirdiyi bildirilir.

Lujkov 1992-ci ildən 2010-cu ilədək Moskvanın meri postunu tutub.

2010-cu ildə o vaxtkı prezident Dmitri Medvedevin qərarı ilə “etimadı itirməsi ilə əlaqədar olaraq” vəzifəsindən uzaqlaşdırılıb.