Fələstin rəhbərliyi ABŞ-ın dövlət katibi Mayk Pompeo barəsində Beynəlxalq cinayət məhkəməsinə iddia vermək niyyətindədir.
APA-nın "RİA Novosti"ə istinadla verdiyi xəbərə görə, Fələstinin Xarici İşlər naziri Riyad əl-Maliki bildirib ki, buna səbəb Pompeonun yəhudilərin məskunlaşdığı İordan çayının Qərb sahili ilə bağlı açıqlaması olub.
“Fələstin rəhbərliyi yaxın günlərdə Beynəlxalq Cinayət Məhkəməsinə şəxsən ABŞ-ın dövlət katibi Mayk Pompeo ilə bağlı iddia verəcək”, - əl-Maliki söyləyib.
O əlavə edib ki, ABŞ-ın açıqlamasının heç bir hüquqi gücü yoxdur, ancaq regionda təhlükəsizliyin pozulması üçün ciddi səbəbə çevrilə bilər.