507
14:17
17 Oktyabr 2019

Polisdən mitinq təşkilatçılarına XƏBƏRDARLIQ

Bakı şəhər Baş Polis İdarəsi Milli Şuranın oktyabrın 19-a təyin etdiyi mitinqlə bağlı təşkilatçılara xəbərdarlıq edib.
Bu barədə APA -ya mitinqin təşkilatçılarından Tofiq Yaqublu məlumat verib. O bildirib ki, Bakı şəhər Baş Polis İdarəsinin dəvəti ilə bu gün saat 11-də idarədə olub. Bakı şəhər prokurorun köməkçisi və Bakı şəhər Baş Polis İdarəsinin rəis müavini onlara xəbərdarlıq edib: “Bizə xəbərdarlıq edildi. Bildirdik ki, biz istənilən halda mitinqi keçirəcəyik”.
Qeyd edək ki, Milli Şura oktyabrın 19-na metronun "28 May" stansiyasının qarşısına mitinq keçirmək istəyi ilə Bakı şəhər İcra Hakimiyyətinə müraciət edib.
Bakı şəhər İcra Hakimiyyəti mitinqin oktyabrın 19-da saat 15:00-dan 17:00-dək Lökbatan qəsəbəsi, 28 May küçəsi "Neftçi" İdman Klubunun Qaradağ təlim - idman bazasında keçirilməsinə razılıq verilib.
Milli Şuranın Kordinasiya Şurasının üzvü, AXCP sədri Əli Kərimli isə Bakı şəhər İcra Hakimiyyətinin qərarı ilə razılaşmadıqlarını və mitinqin həmin tarixdə "28 May" metrostansiyası qarşısında keçirəcəklərini bildirib.