Keçmiş sevgilisinin indiki sevgilisi qan tökdü

Masallıda bıçaqlanma olub.

APA-nın cənub bürosunun məlumatına görə, hadisə dünən axşam saatlarında rayonun avtovağzal deyilən ərazisində baş verib. Bakıda şəhər sakini, 39 yaşlı Zaur Davud oğlu Qurbanov bıçaq xəsarəti ilə xəstəxanaya yerləşdirilib.

Araşdırmalar zamanı hadisənin rayonun Şərəfə kənd sakini Rasim Xanməmməd oğlu İbişov tərəfindən törədilməsi müəyyən edilib və o saxlanılıb.

Məlum olub ki, Z.Qurbanov Masallı Rayon Məhkəməsinin dəvəti ilə rayona gedib. Z. Qurbanov Masallıda əvvəllər qeyri-rəsmi münasibətdə olduğu qadının hazırkı sevgilisi R.İbişovla qarşılaşıb. Onların arasında həmin qadına görə mübahisə düşüb. Mübahisə zəminində R.İbişov Z.Qurbanovu bıçaqlayıb.