Azərbaycan Kredit Bürosu (AKB) müasir təcrübələrdə olan texnoloji həllərin tətbiq edilməsini planlaşdırır.
"APA-Economics"in məlumatına görə, bunu Beynəlxalq Maliyyə Korporasiyasının (IFC) "Azərbaycan və Orta Asiyada Maliyyə infrastrukturunun təkmilləşdirilməsi üzrə məsləhət xidmətləri" layihəsinin bitməsinə həsr olunmuş tədbirdə çıxış edən AKB-nin direktoru Elçin Həbibov deyib.
Onun sözlərinə görə, bu mənada AKB strateji olaraq qabaqcıl beynəlxalq təcrübələr əsasında gələcəyə hesablanmış yeni nəsil texnologiyaların tətbiqi ilə yeni sistem platformasının hazırlanması üzərində işlərə başlayıb.
"Bu çərçivədə maliyyə sektorundan toplanacaq məlumatların strukturunun genişlənməsi, eyni zamanda Büronun təqdim edəcəyi məhsul və xidmət çeşidinin artırılması, əlavə dəyər yaradan xidmətlərin, xüsusilə də məlumat analitikasının və digər analitik xidmətlərin daha da dərinləşdirilməsi nəzərdə tutulur. Bu məqsədlə layihəyə beynəlxalq nüfuzlu şirkət cəlb olunub və hazırda müqavilənin imzalanma mərhələsindəyik. Hesab edirəm ki, sözügedən layihənin növbəti iki il ərzində həyata keçirilməsi mümkün olacaq", - deyə E. Həbibov qeyd edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
