115
13:08
23 Avqust 2019

Evlərdən külli miqdarda pul oğurlayanlar yaxalandı

Göyçayda və Masallıda iki ev qarət edilib.
Daxili İşlər Nazirliyindən Lent.az -a verilən məlumata görə, Göyçay rayon Polis Şöbəsi əməkdaşlarının keçirdikləri əməliyyat tədbirləri nəticəsində avqustun 8-də Mırtı kəndindəki evlərin birindən 14 500 manat pul oğurlamaqda şübhəli bilinən kənd sakini E.Abseyidov saxlanılıb.
Masallı rayon Polis Şöbəsi əməkdaşlarının keçirdikləri əməliyyat tədbirləri nəticəsində isə avqustun 4-də rayon ərazisindəki evlərin birindən 7100 manat və 220 avro pul, habelə qızıl əşyalar oğurlamaqda şübhəli bilinən Qızılağac kənd sakini M.Səlimov tutulub.