330
15:44
26 İyun 2019

"ABŞ İran xalqının güclənməsindən qorxur" - Əli Xamenei

Bu gün dünyanın ən mənfur, xəbis dövləti müharibə, təfriqə ilə başqa dövlət və xalqları qarət edir, şərafətli İran xalqını təhqir və ittiham edir. İran xalqı Amerikanın bu çirkin əməlləri qarşısında heç zaman geri çəkilməyəcək.
APA -nın Tehran bürosunun məlumatına görə, bu sözləri İranın Ali lideri Ayətullah Seyid Əli Xamenei bu gün Ayətullah Şəhid Behiştinin şəhadət ildönümü və Məhkəmə işçilərinin həftəsi münasibətilə Məhkəmə Sisteminin sədri, məsul işçiləri, ölkənin bütün məhkəmələrinin sədrləri ilə görüşündə deyib.
"ABŞ-ın İran xalqına qarşı olan sanksiyaları zülmün bariz nümunəsidir. Qüdrətli İran xalqı Allahın lütfü ilə möhkəm dağ kimi onların qarşısında dayanıb və qətiyyətlə hərəkət etməyə davam edir."
ABŞ-ın müzakirə təklifi hiylədir deyən Ayətullah Xamenei bildirib ki, düşmən təzyiq və sanksiyalarla hədəfinə çata bilmədiyi zaman sadəliklə İran xalqını müzakirəyə dəvət edir. Və deyir ki, İran xalqı inkişaf etməlidir. Əlbəttə İran xalqı inkişaf edəcək. Amma siz olmadan. Bu şərtlə siz yaxınlaşmayın. Amerikanın müzakirələrdən məqsədi İranı tərksilah etmək və iqtidarını zəiflətməkdir.
ABŞ İran xalqının güclənməsindən qorxur. Buna görə İrandan silah və iqtidarı müzakirə yolu ilə almaq istəyir. Müzakirələrdə onun sözlərini qəbul etsəniz, millətin atasını yandırarsınız, qəbul etməsəniz, İran əleyhinə təbliğat və təzyiqlər davam edəcək.