Azərbaycan filminin Kanada premyerası

Arif Əliyevin senarisi əsasında rejissor Rövşən Almuradlının ekranlaşdırdığı "Əsgərlər unudulanda ölürlər" filmi iyunun 2-də Kanadanın Toronto şəhərində nümayiş etdiriləcək.

Lent.az -ın məlumatına görə, filmin nümayişini Kanadada yaşayan soydaşlarımız təşkil edir. Onu da deyək ki, filmin ölkədən kənarda ilk nümayişi bu yaxınlarda İsveçdə olub.

“Əsgərlər unudulanda ölürlər” bədii-sənədli filmi 1920-ci ildə imperiya ordusunun qarşısına əliyalın çıxan 350 Cümhuriyyət əsgərinin şücaətindən bəhs edir.