Sumqayıtda vətəndaşa məxsus ev yanaraq kül olub. APA-nın məlumatına görə, hadisə Corat qəsəbəsi Nəsimi küçəsi 455A ünvanında qeydə alınıb. Qəsəbə sakini Mətanət Əliyevanın evində güclü yanğın başlayıb. Hadisə yerinə çağırılan Yanğından Mühafizə Xidmətinin əməkdaşları alovun qarşısını ala biliblər. Alovun qonşu evlərə keçməsinin qarşısı alınıb.
Hadisə vaxtı Mətanət Əliyeva və övladları evdə olmayıb.
Zərərçəkən evinin qəsdən yandırıldığını iddia edir. Belə ki, naməlum şəxs və ya şəxslər yanğından əvvəl onun pəncərəsini sındırıb.
Yanğının baş vermə səbəbləri araşdırılır. Faktla əlaqədar Sumqayıt şəhər 1-ci polis bölməsində araşdırmalara başlanılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
