Bakıda 500 manata alça satılır - VİDEO

Mövzsümlə əlaqəli olaraq Azərbaycanda bəzi meyvələrin satış qiymətində diqqət çəkən artım müşahidə olunur.

Lent.az xəbər verir ki, Bakıda alçanın kiloqramı 500 manata satılır. Hətta bazarda 70-80 manata satılan üzüm növləri də var.

Satıcıların sözlərinə görə, bu cür meyvələr əsasən xaricdən idxal olunur. Ancaq istixana şəraitində yetişdirilən yerli meyvələrin də qiyməti ucuz deyil.

İstixana təsərrüfatı ilə məşğul olan Mürvət Həsənli isə bildirir ki, bu məhsullar mövsümü qabaqladığı üçün onları daha baha satmaq mümkündür.

Onun sözlərinə görə, istixanada yetişən meyvələrin baha olması həm də belə yerlərin saxlanma xərcləri ilə bağlıdır.

Mürvət Həsənlinin fikrincə, istixana şəraitinə baxmayaraq, meyvələrin yetişdirilməsində heç bir gübrədən istifadə olunmur. Bu da həmin meyvələrin daha çox saxlanmasına şərait yaradır.

Daha ətraflı Xəzər Tv-nin hazırladığı videoda: