Samsung şirkəti Galaxy S25-in təqdimat tarixini AÇIQLADI

Samsung, “Galaxy Unpacked” tədbirinin yanvarın 22-də baş tutacağını elan edib. Şirkət Galaxy S smartfonlarının yeni seriyasını və yeni süni intellekt imkanlarını təqdim edəcəyini təsdiqləyib.

Lent.az-ın xarici mediaya istinadən məlumatına görə, istehsalçı bu dəfə eyni anda üç deyil, dörd modeli nümayiş etdirəcəyinə eyham vurub.

Deyilənlərə görə, söhbət Galaxy S25, S25+, S25 Ultra və S25 Slim-dən gedir. Əgər əvvəllər Galaxy S seriyasına böyük və yüksək səviyyəli versiyalar daxil idisə, indi onları iPhone 17 Air ilə rəqabət aparacaq nazik versiya tamamlayacaq .

Bakı vaxtı ilə saat 22:00-da başlayacaq tədbir "Samsung"un internet saytında və YouTube-da yayımlanacaq. Yeni flaqmanlara əlavə olaraq, şirkət ilk XR qulaqlıqlarını və “Galaxy Ring” smart üzüyünün ikinci nəslini nümayiş etdirə bilər.

Galaxy S25 və Galaxy S25 Plus Galaxy S25 Ultra-dan baha başa gələcək.

Galaxy S25 Ultra dairəvi küncləri və rekord nazik çərçivələri olan yeni dizayna, 16 GB operativ yaddaşa və yeni 50 meqapiksellik sensora malik ultra geniş sensora sahib olacaq. Həmçinin məlumat var ki, bütün Galaxy S25 modellərində regiondan asılı olmayaraq RAM-ın baza həcmi 8-dən 12 GB-a qədər artacaq.

Galaxy S25-dən sonra büdcəli Galaxy M16 və Galaxy F16 təqdim olunacaq. Yeni modellər sələflərindən nəzərəçarpacaq dərəcədə fərqlənəcək.