Bu 3 vəziyyətdə telefonu doldurmaq olmaz – XƏBƏRDARLIQ

Bir şarj cihazını telefonunuza qoşmamağınız lazım olan vəziyyətlər var.

Lent.az xəbər verir ki, bəzi hallarda smartfonun sarj edilməsi prosesi batareyaya ciddi zərər verə bilər.

Bəs, hansı hallarda istifadəçi telefonu doldurmamalıdır?

İstilik

Otaq çox istidirsə, onda qadceti doldurmamalısınız. Daha sərin bir otağa keçmək məsləhətdir.

Bu mümkün deyilsə, otaqdakı şərtlərin daha məqbul olmasını təmin etməlisiniz: pəncərələri pərdələyin, kondisioneri və ya fanı yandırın.

Həddindən artıq istidə mobil telefonun doldurulması, cihazı qızdırılan səthə yerləşdirmək və şarj edən telefonun birbaşa günəş işığına məruz qalması qadcetin həddindən artıq istiləşməsinə səbəb ola bilər.

Tətbiqlər işləyən zaman

Ən azı bir proqram işləyərkən mobil telefonunuzu doldurmayın. Mobil oyunları və brauzeri söndürün. Və yalnız bundan sonra şarj cihazını telefona qoşun. Qaydaya məhəl qoymasanız, smartfonunuzdakı yük artacaq. Batareyada ciddi problemlər ola bilər.

Əlinizdə orijinal şarj cihazı olmayan vaxt

Əlinizdə telefonunuz üçün orijinal şarj cihazı yoxdursa, riskə getməyin və şübhəli keyfiyyətdə olan şarj cihazını qadcetinizə qoşmayın.

Əgər hələ də alternativ seçmək lazımdırsa, ən yüksək keyfiyyətli şarj cihazını alın. Pula qənaət etməyin.