Bu gün Bakı Dövlət Universitetinin rektoru Abel Məhərrəmov Ankara Universitetinin rektoru Erkan İbişin rəhbərlik etdiyi nümayəndə heyəti ilə görüşüb.
BDU-nun Mətbuat və İnformasiya şöbəsindən Lent. az-a verilən məlumata görə, görüşdə Abel Məhərrəmov BDU-nun Türkiyənin ali təhsil ocaqları ilə əməkdaşlığa xüsusi əhəmiyyət verdiyini deyib və universitetlərin daha səmərəli fəaliyyət göstərmələri üçün birgə layihələrdən söz açıb.
Abel Məhərrəmov BDU və Ankara Universiteti arasında ikili diplomlar, tələbə-müəllim mübadiləsinə də toxunub. Erkan İbiş də öz növbəsində əməkdaşlıqda maraqlı olduqlarını diqqətə çatdırıb.
Görüşdə universitetlər arasında hüquq elminin davamlı inkişaf etdirilməsi, ikili diplomların verilməsi məqsədilə imzalanmış müqaviləyə yenidən baxılaraq dəyişikliklər barədə də müzakirələr aparılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
