Qəzetlərə dövlət yardımı ayrıldı - SİYAHI

Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurasının növbəti iclası keçirilib.

Lent.az-ın verdiyi məlumata görə, yığıncağı giriş sözü ilə açan Fondun Müşahidə Şurasının sədri Umud Mirzəyev iclasın gündəliyindəki məsələ barəsində məlumat verib.

Gündəliyə 2013-cü ilin I yarımilliyi üçün KİV layihələrinin maliyyələşdirilməsi ilə bağlı müsabiqəyə təqdim edilmiş layihə təkliflərinin və qəzetlərin maddi-texniki bazasının gücləndirilməsi məqsədi ilə birdəfəlik yardımın ayrılmasının müzakirəsi daxil edilib.

Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli bildirib ki, dekabrın 4-dən 25-dək 2013-cü ilin I yarımilliyi üçün KİV layihələrinin maliyyələşdirilməsi ilə bağlı Fonda 32 redaksiyadan layihə təklifi daxil olub. Sonra layihə təklifləri Şura üzvlərinin müzakirəsinə verilib. Müzakirələrdə Fonda təqdim edilmiş bir layihənin müsabiqənin şərtlərinə cavab vermədiyi aşkar edilib, 31 layihə isə müsabiqənin tələblərinə uyğun olub. Müzakirələrin yekunu olaraq qəzetlərin dövriliyini, tirajını və yayımını nəzərə alaraq 2013-cü ilin I yarımilliyində layihələrin həyata keçirilməsi üçün 31 qəzet redaksiyasına maliyyə yardımının ayrılması qərara alınıb. Həmin qəzet redaksiyalar aşağıdakılardır;

1	525-ci qəzet	35.000
2	Ayna-Zerkalo	35.000
3	Bakı-xəbər	35.000
4	Ədalət	35.000
5	Kaspi	35.000
6	Mövqe	35.000
7	Olaylar	35.000
8	Səs	35.000
9	Yeni Azərbaycan	35.000
10	Yeni Müsavat	35.000
11	Ekspress	35.000
12	Azadlıq	35.000
13	Palitra	35.000
14	"Futbol+Qol"	20.000
15	Həftə içi	20.000
16	Azad Azərbaycan	20.000
17	Paralel	20.000
18	Xalq cəbhəsi	20.000
19	Şərq	20.000
20	Üç nöqtə	20.000
21	Novoye Vremya	20.000
22	Bizim yol	20.000
23	Olimpiya dünyası	15.000
24	Oxu məni	15.000
25	Azernews	15.000
26	Futbol+	10.000
27	Reytinq	10.000
28	Təhsil problemləri	10.000
29	The Business Times	10.000
30	Hərbi and	10.000
31	Türküstan	10.000
	Cəmi	740.000

İclasda qəzetlərin maddi-texniki bazasının gücləndirilməsi məqsədi ilə birdəfəlik yardımın ayrılması məsələsi də müzakirəyə çıxarılıb. Məsələ ilə bağlı Şura üzvlərinə məlumat verən Vüqar Səfərli deyib ki, Fondun il ərzində fəaliyyəti zamanı müəyyən qədər vəsaitə qənaət edilib. İcraçı direktor qeyd edib ki, qəzetlərə birdəfəlik yardımın ayrılmasında məqsəd onların maddi-texniki bazalarını möhkəmləndirmək və internet saytlarının davamlı olaraq “online” rejimində işləməsini təmin etməkdir. Müzakirələrdə çıxış edən Şura üzvləri irəli sürülən təklifi dəstəklədiklərini və bunun qəzetlərin maddi durumunun yaxşılaşdırılması istiqamətində önəmli əhəmiyyət daşıdığını bildiriblər.

Sonda qəzetlərin dövriliyini, tirajını və yayımını nəzərə alaraq 31 qəzetə birdəfəlik maliyyə yardımının ayrılması il bağlı qərar qəbul olunub.

Birdəfəlik maliyyə yardımı ayrılmış qəzet redaksiyaları aşağıdakılardı;

1	525-ci qəzet	60.000
2	Ayna-Zerkalo	60.000
3	Bakı-xəbər	60.000
4	Ədalət	60.000
5	Kaspi	60.000
6	Mövqe	60.000
7	Olaylar	60.000
8	Səs	60.000
9	Yeni Azərbaycan	60.000
10	Yeni Müsavat	60.000
11	Ekspress	60.000
12	Azadlıq	60.000
13	Palitra	60.000
14	"Futbol+Qol"	40.000
15	Həftə içi	40.000
16	Azad Azərbaycan	40.000
17	Paralel	40.000
18	Xalq cəbhəsi	40.000
19	Şərq	40.000
20	Bizim yol	40.000
21	Üç nöqtə	30.000
22	Novoye Vremya	30.000
23	Futbol+	30.000
24	Olimpiya dünyası	20.000
25	Azernews	20.000
26	Oxu məni	15.000
27	Reytinq	10.000
28	Hərbi and	8.000
29	Türküstan	8.000
30	Təhsil problemləri	8.000
31	The Business Times	8.000
	Cəmi	1.247.000