Gürcüstan Futbol Federasiyası Azərbaycan Dövlət Neft Şirkətinə (SOCAR) müraciət edib. “SOCAR Energy Georgia” şirkətinin baş direktoru Mahir Məmmədovun Lent.az-a verdiyi məlumata görə, GFF Azərbaycan şirkəti ilə baş sponsorluq müqaviləsini uzatmağı təklif edib.
Lakin Məmmədov təklifi hələ konkret cavablandırmadıqlarını bildirib. O qeyd edib ki, anlaşmanın daha bir il müddətinə uzadılma ehtimalı var. Məsələyə yaxın vaxtlarda aydınlıq gələcək.
“Bu, Gürcüstanın baş naziri Bidzina İvanişvilinin Azərbaycana səfərinin nəticəsindən asılı ola bilərmi?” sualına SOCAR rəsmisi “Biz istəməzdik ki, siyasi amillər iqtisadi sahədə də özünü göstərsin. Fakt budur ki, GFF yeni müqavilə təklif edib və anlaşmanın uzadılma ehtimalı da var”.
Qeyd edək ki, SOCAR 2011-ci ilin əvvəllərindən GFF-in baş sponsorudur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
