Bakı Ali Neft Məktəbinin (BANM) rektoru Elmar Qasımov, prorektor Ramiz Hümbətov, İctimaiyyətlə əlaqələr şöbəsinin rəhbəri Kəmalə Paşayeva və akademik Zərifə Əliyeva adına liseyin məzunu olmuş BANM-in 10 tələbəsi akademik Zərifə Əliyeva adına liseyin müəllim və şagird heyəti ilə görüş keçiriblər. Bu barədə lent.az-a ali məktəbin İctimaiyyətlə əlaqələr şöbəsindən məlumat verilib.
Liseyin direktoru Məhəbbət Vəliyeva BANM ilə əməkdaşlıqdan məmnunluq hissi keçirdiklərini qeyd edib.
BANM-in rektoru çıxışında ölkədə aparılan uğurlu təhsil islahatlarından danışıb. Bildirib ki, BANM-in yaradılması və qısa zaman ərzində yüksək uğurlar əldə etməsi məhz ölkə başçısının “Neft kapitalını insan kapitalına çevirək” devizinin əyani sübutudur
E.Qasımov liseyin direktoru Məhəbbət Vəliyevaya və 7 müəllimə “Təşəkkür” plaketi və kompüter hədiyyə edib. Şagirdlərə BANM haqqında ətraflı məlumatları özündə əks etdirən bukletlər paylayıb.